2007.03.17-18
|
山頭霸王 2007 (p)
隊友的後記:
多謝大家!今年好好玩,好難忘!
今年又係同wiwin一隊,睇圖工作一向由隊友負責,
但wiwin要開完通頂先去比賽,
而且響起點見到有幾隊跑山賽的快馬參加,
所以我地目標:係唔好迷路返到營地.
女子組比賽路線：
DAY1：
SP1 粉嶺遊樂場
CP1 橋頭
CP2 龍山三角網測站(360m)
CP3 鶴藪燒烤場
CP4 丹竹坑(亭)
CP5 平頂坳
CP6 黃嶺西南面山脊的小丘
CP7 沙羅洞(近李屋)
CP8 石坳山三角網測站
CP9 九龍坑山三角網測站
CP10 九龍坑山旁圓丘
CP11 洞梓路近圍下村
CS 營地(近汀角)
DAY2：
SP2 三擔籮(近烏蛟騰)
CP1 橫嶺
CP2 九担租旁小徑交界
CP3 吊燈籠三角網測站(416m)
CP4 荔枝窩(廟)
CP5 山火瞭望台(300m)
FP 降下坳燒烤場
day 1 後記:
一開始跑路,我地跟住d快人後面跑,先上橋再過火車站跑單車路,
d快人巳經跑得無影無踪,跟住又發覺唔駛過馬路,跑多o左路,
真係出師不利.
跑到橋頭見到牛牛,一起往cp1,
cp2在龍山,都不用找路,跟大隊一起上山.
上山不久就爆o左,即刻叫住wiwin,比多支水佢揹,
到半山,比牛牛界埋, 好辛苦上到頂,即刻殺落BBQ場.
去到石屎路頂見到第一隊女子隊好苦惱咁睇緊圖,
我地估計佢地在找cp3, 一路往下走,見返牛牛,
跑到BBQ場,另一隊女子剛走,又係走回頭路.
check完gear, wiwin告訴我要去丹竹坑,
咁咪即係唔應該走回頭路?? 因為識路去,所以即刻跑,
不過途中都再問幾次wiwin係咪去丹竹坑(我諗wiwin都覺得我好煩)
去到丹竹坑cp,暫時變o左第一,
不過我地知唔會保持好耐,因為呢兩隊跑山好快.
cp5在平頂坳,又係跟大隊行,唔駛搵.
cp6在黃嶺下的圓丘,我地選擇上衛徑行屏風山過,
到黃嶺,外國女子隊巳經追o左上o黎,
但係佢地冇上黃嶺頂,向左續走衛徑,
由wiwin搵o岩路上頂,我地又好幸運咁繼續領前.
cp7在鳳園,
我們途中遇到mix team,同Ida佢地一起前進,
在落山時我們選錯路,行行o下路徑變得不明顯,
當mix team打算回頭,我同wiwin打算往下抄落去的時候,
救星到
竟然見到精英elton同ho hoi to,
唔理佢係咪去鳳園,見佢下山,
我同wiiwn即刻"二仔底",死跟!
三隊人一齊左抄右抄,終於到底.
行行下同佢地兩隊分開走,
我地上o左山丘,
但係都係要同泥濘苦戰先上到靚路.
唔知係咪太辛苦,搵極都搵唔到cp7,
心情唔好,講野語氣好差,好似撩交嗌咁,(好在wiwin脾氣好)
終於搵到路口,行行o下又有d懷疑行錯路,
正回頭之際又見到另一隊mix team正向我們走來,
所以同wiwin決定唔回頭,再往前行少少先萛.
差d又想回頭之際聽到人聲,終於去到cp7 啦!
cp8在石坳山,我地由衛徑上,好易搵.
cp9在九龍坑山,又係衛徑上.
到達九龍坑山,第二隊女子與我們只有5分鐘距離,
幸好去cp10圓丘條路今年山川行過,
cp10之後要下山,我見下一個山頭有人上緊山,
好攰唔想上山,所以同wiwin提議不如有路就先下山,
結果又好好彩落o岩去鴉山村,再跑去洞梓,
下一個cp11耕地,(我冇諗過係營地)仲要跑馬路,差d想搶路人d單車踩.
跑到死死o下差d過o左龍,好彩又見到有隊鬼佬跑過馬路,往對面望一望,
先見到終點,去到我仲諗自己係咪去少o左耕地呢一個cp
猛問終點工作人員,
後來有人告訴我年年都係咁,
耕地咪=營地囉!
響營地飲飲食食吹吹水,
9點未夠就"具訓",
今年個草地比上年軟熟,
不過,旁邊BBQ d人就好嘈,
嘈到成1點幾先散場,
都冇咩"具訓"過
Day 2 後記:
cp1橫嶺,
一開始,d人又係好快跑o左去,去到烏蚊騰停車場,
d人巳經跑緊入九担租.
因為唔想跑o既關係,同wiwin提議不如由馬頭峰上.
這邊比較多上落,沿路只有我們和一隊男子隊一起走.
行行o下有d後悔,又猶豫究竟有冇選錯路?
好在隊友支持,有怪責我,佢話選錯都係蝕10分鐘o者,真係令我感動
去到cp都不敢問第幾隊到.
即刻出橫嶺坳落cp2九担租,沿路只見到兩隊女子隊,
心想頭隊可能巳放離很遠.
去到cp2,先知我們第一隊到,有兩隊走錯路,去錯cp,
有此優勢,即刻醒神,
cp3在吊燈籠,望到大隊,加上wiwin識路,不用看圖找路.
cp4荔枝窩,逆行前年東北縱走馬拉松條路落,
跟住一路都好順利咁返到終點.
因為真係太多路牌.
多謝隊友wiwin對我的包容,我成日發脾氣,講o野又粗魯.
多謝大會義工,辛苦晒!
|
