2004.03.06-07
|
山頭霸王 2004 (z)
隊友的後記:
Day 1
SP->CP1
未起步見 SS 個袋仲細個我跑山果個, Protrek 對鬼個袋好大不過個人仲 fit, 都知冇得鬥跑, 起步 jog 左陣未出汀角路已經行. Map 有幾條路去 CP1, 有條係水庫邊上車路o既小徑, 未行過唔敢試 (有冇人行?), 結果行車路上. 起步時狀態好差, 上得好辛苦. 過左 TPM 落離個路口之後博一博, 跟TPM唔跟大路, 而家都未知有冇JETSO.
CP1->CP2
CP1見倒興草, 不過唔見風雷主. 點去老龍田? 忽發奇想, 去丹竹坑上郊遊徑, 上少D, 不過兜好大個圈. 隊友仲奇, 提意平山仔上通天蠟燭屏風山直落老龍田, 當然即 BAN. 結果行最大路o既衛徑+郊遊徑, 過水塘時又跟左 TPM 冇行大路. 上屏風山開始離料, 追番好多隊. 落平頂坳見有 SHORTCUT 不過唔 SURE 唯有行多百米到路牌先轉左. 郊遊徑上山時有D後悔冇行屏風山直落老龍田條路 (行過老龍田上一半轉左去七木橋, 見上屏風山係多草不過幾明顯) 到CP2唔知第幾.
CP2->CP3
繼續行郊遊徑出南涌, 見倒屏風山直落老龍O既 GO SING, 話條路好慘烈. 海背嶺 MAP 有 SHORT CUT, 不過行到村之後搵唔倒路, 幾隊都返轉頭. 當我地都想回頭時 TT+CO 就到, 仲帶我地出沙頭角路. 到CP3已經第二, 不過 SS 早廿分走左.
(CHECK 電話)
CP3->CP4
未上過紅花嶺, 選擇短d向西果條, 行幾步就要搵路過澗, 又要多謝 TT+CO. 個山燒左, O係電塔底直踩上脊接萬屋邊大路. AH CO 話跛都好快, 追唔倒. 到CP4都係第二, 不過PROTREK鬼已經追到.
CP4->CP5
對鬼跑落山冇預期咁快, 我地搵 SHORT CUT SIDE 左 D 時間, GO SING 又追番上離. 雖然搵到不過唔好行都係行番大路. 大約長山古寺比PROTREK過左. 入村過坪輋好在跟倒個村民唔使點搵路, 又過番PROTREK, 不過入恐龍坑條大路當然又比佢地過番.
(CHECK 燈)
CP5->CP6
雖然PROTREK早過我地到,不過我地走佢地都未走, 唔知攪咩. 搵路上杉山, 經過幾戶人之後搵唔倒路, 見有 TEAM O係下面, 唯有爬水管落去跟人, 又撞番 PROTREK. 上山前係地盤,唔比入,好多人返轉頭搵路,我地都想返轉頭,不過見鬼捐閘過,唔想比佢走,照跟! 當地盤D人冇到(聽講之後放狗)! 入去過左堆泥漿之後要上一級米幾高o既, 前面有幾個女仔上得好辛苦, 不過趕時間唔只冇幫佢地仲打尖上. 兜過鐵絲網就接軍路, protrek 仲o係度mark 緊圖.
CP6->CP7
CP7係火車軌, 一條大路唔使諗,睇方向開始諗係唔係又去展能? 離開CP時 PROTREK仲未走, 原來佢係打開膠袋離MARK圖. 好快就到河邊火車軌.
CP7->CS
下個CP已經係展能, 不過MAP冇路過河. 大會好正咁用紙皮整左個路牌"往懲教所". 不過入左D大水管之後搵唔倒路, 捐完地盤上左癮, 想捐水管, 好在搵倒路. 開始晒, 慢慢陪住隻馬行上晒. 行鳳崗條小路過展能, 整緊路, 亂晒, 冇著數. 1508到 CS, 慢ss 半個鐘, Day1第二. 大約十分鐘後 GO SING 同 PROTREK MIXED 都到.
CS
雖然有太陽不過好大風, 沖涼好凍. 之後排物理治療, 由於前面有個衣著暴露o既男仔side左好多時間, 到我果陣已經好求其, 竟然比膏我自己卒同叫我自己拉筋. 物理治療後d朋友都到得7788, 傾陣計及著多幾件衫就開爐大休, 帶多左食物同燃料. 邊食邊吹水, 9點幾先食完, 入營睇下圖執下野拉下筋已經11點幾, 訓覺. 開頭都幾暖, 不過2點倒已經凍醒, 加料後暖好多好好訓. 4點半倒好似聽倒ah co 起身執野, 我地4:45都起埋身. 小腿又硬又痛, 好擔心.
Day 2
CS->CP1
食完早餐過左6:45先登記, 未熱身已經開CP1 GR, 水塘邊o既小山, 山有路下村. 跟方向行過果條村, 不過唔知條路通唔通, 博一博. 對腳仲好硬, 跑唔倒, 上山時見好多隊落緊山, 到CP1已經第N, 不過對腳鬆返晒.
CP1->CP2
原路下山後大隊都選左邊過河, 跟人行左幾步突然好決斷選河右邊. 行左陣村路就落河床行, 此時竟然見倒protrek鬼o係河對岸! 不自覺想跑, 不過真係跑唔郁, 慢佢地少少到CP2條橋.
CP2->CP3
CP3又係橋, 繼續行河床. 河轉東後上橋轉右明顯可直達CP3, 不過前面隊隊都繼續行河床. 我地上橋後穿村直出CP3, 第一O既山川O岩O岩走, PROTREK仲未到, 應該O係河兜緊圈.
CP3->CP4
行左好耐side左好多時間先開始上雞公嶺, 兩日o既比賽到依一刻先正式(被迫)發力! 開始上雞公嶺不久就追倒相信係掃尾o既無線電工作人員, 繼續逢人過人, 爽!! 行極都未見freefly, 突然好想見(&過)佢. 說時遲那時快, ffmm就出現o係面前, 冇時間詳談就繼續上山.
CP4->CP5
CP4有另一隊要求幫佢地影相, 由於時間關係拒絕左, 唔好意思. 下山係出名跣O既長斜, 兩年前O係度趺傷過, 叫隊友帶好手襪準備急降. 真係好急, 手錶多次顯示下山 >40m/min. 依段過左好多人NL, sh, Karen, Kinny 等, 都冇時間同大家打招呼. 落山後迎面係體驗組, 原來行相反方向.
CP5->CP6
上少少就到CP5.下一站係麒麟山西面O既馬路,開始懷疑會唔會返展能.選擇大羅天西腰路,爬上水渠就見大路.下山時有工人植林,由於路跣唔小心蚊左D樹苗,好陰公.落山後O係車路過左兩隊MIXED.
CP6->EP
CP6工作人員一再提醒下一站係籃球場唔係足球場,反正都唔知O係邊,去左展能先算.O岩O岩比我地過O既一隊突然發力跑馬路,我冇力追,急步行.慢慢行有著數,搵倒條MAP冇o既隧道.過公路後沿車路直入展能,唔知有後門,只見地圖係護土墻,諗住兜去正門.八掛行多幾步望下"護土墻",點知一望就係足球場!我地嘗試反方向衝線,不過被工作人員要求兜大圈(有違rimm行快路到cp o既精神!).結果EP都係足球場唔係籃球場.11:08,快過前面跑左果team .見倒名次幾乎想喊 .抹身後同網友一齊出上水午膳暢談兩日經歷 .
我的後記:
說在前面 - 又要比賽了?
隊友早在十二月二日已找我為伴, 想了一陣, 提出只要他不介意我走得比他慢, 玩玩也沒關係. 就這樣... 組了隊! 想隊名時我完全沒有意見, 反正都只是一個代號吧了... Irene... 回想起真是一個好名. 這個冬春季, 比賽就像例行公事般, 每一至兩星期總有一次, 不多不少都有點麻木. 可是, 山霸可算是我這麼多賽事中投入最多時間預備的. 為什麼? 我也不知道, 可能是因為太多不定因素, 又或者是隊友也付出了不少心血預備吧.
花了不少時間...
- 再熟習如何看指南針, 地圖及地形;
- 走走不熟識的山路;
- 提升自己的速度以配合隊友;
- 找尋既輕且價廉的裝備及食物
由初初和隊友的速度相差很遠, 到之前的一星期有些時候能竟然能超越他, 心情滿是興奮, 心感起碼我對他而言不會是一個大負擔了...
賽事之中 - 第一天出發!
一早五時半起床, 還要在五時四十五分及六時正致電 Freefly 及隊友, 結果遲了出門. 在九龍塘地鐵站見到 Flora, SS 及 TT, 心知一定遲到! 在火車上更遇上mm, 最後七時五分才去到大埔火車站, 花花及隊友已在等侯. 等齊五人, 乘的士到大埔海濱公園. 很順利地完成註冊, 畫地圖看地圖花去不少時間, 在公園和朋友們談天了一回, 未熱身未拉筋便要去集合. 心情很興奮... 因為有 Ekin 作為主禮嘉賓? 不! 當然因為有得玩啦...
Start -> CP1 (沙羅洞)
起步個個都跑, 光光我兩不跑是很異相的嘛! 所以作狀地跑了幾步. 可借之前未熱夠身, 如果逼我跑, 一定跑不長. 和隊友商討過後, 決定還是不要跑好了. 跑跑行行的出到汀角路, 我們後面已經只剩小貓三四. 入去上沙羅洞的車路時傻下傻下兜了一小圈, 有好些組選了另一條東邊下坑配水庫的樓梯上沙羅洞, 心想都是走斜路舒服些, 雖然走得很慢, 最終走到 CP1.
CP1 -> CP2 (老龍田)
初時跟了 TPM 的白色箭咀一直走往衛徑的登山口, 雖然不知是不是最短的路, 但起碼節省了看地圖找路的時間. 跟著的一大段上屏風山的路, 因為未有足夠熱身(我是需要很長時間熱身的), 是我這兩天來行得最辛苦一段路. 一路上一路不能抖氣, 見到 Kinny 在我前面好輕鬆一面有講有笑地上山, 而我卻上氣不接下氣, 一句說話都要分幾段講時, 真懷疑自己往後的幾小時會怎麼樣. 我都忘記上山時有沒有過人或者有沒有被人過, 總之下山時心情極度低落, 一句話也沒說, 也不知經過多久後心情才平服, 好彩未去到和隊友爭吵的地步. 真是要向他說聲對不起, 害他不明不白的害猜了很久.
CP2 -> CP3 (麻雀嶺村)
計劃出南涌時我又忽發奇想, 不如嘗試由屏南石澗下去吧! 當然只是說說而已, 沒有真的實行. 一邊行一邊想起好久沒有行澗了, 又想起上年夏天到屏南遊玩跳潭的情景. 海背嶺想行捷徑, 因為不行捷徑一定不夠 Protrek 跑馬路快. 有幾組都在那裡找路, 有些早了一個路口上了山, 有些找了一會兒便放棄了, 時間一分一秒的溜走... 我們入村來來回回了不知多少次都找不到, 正想放棄時... TT+Co 出現救了我們出沙頭角路.
CP3 -> CP4 (紅花嶺)
上紅花嶺我們選擇了一條比較短的入村路, 和 TT+Co, 合四人之力, 好不容易才找到上山的入口. 上山始終是我的大弱項, 尤其是紅花嶺山脊燒了, 沒有樹木的保護, 泥沙鬆散, 上三步跌一步. 有氣沒氣的, 不斷跟自己說: 慢慢來, 不可以再發脾氣, 總有到的一天. 一直要上到近山頂的橫腰路才有平路, 半跑半行去到 CP4.
CP4 -> CP5 (恐龍坑)
落山那段斜路, 每到看似有捷徑的地方, 我們都花了些時間去看看能否前行, 但結果都是無功而回, 真是不找好過找! 出到馬路了, 走過長山古寺, 因為沒有跑的關係, 當然不斷被其他隊伍追過. 入村過坪輋最搞笑, 我們很幸運的找到位好心的村民問路, 他竟見義勇為的說帶我們走出村. 問過路後, 跟他說我們正在比賽, 很趕時間, 本想離他而去. 但他竟對我們說: "我都好趕時間架, 我三點要去銅鑼灣番工架..." 就這樣, 又跟多數分鐘, 當我們再次想離他而去時, 他又說: "你睇我個樣都唔似大陸落來打劫果d啦, 唔洗驚喎, 你地又有兩個人... (下刪數百字)" 結果很不好意思地一路跟他走出村口... 行馬路過政府農場及雲泉仙館, 常有貨櫃車經過, 塵土飛揚, 沒有跑光行地到了 CP5.
CP5 -> CP6 (杉山標高點)
恐龍坑內的路亂成一團, 根本不知行那一條才對, 原本行上路去杉山, 怎知找來找去找不到, 又見下面有人, 心急之下爬大水管下去. 爬水管時險象環生, 我的隊友還失了一隻足呢! 幸好跟我們同行的大叔幫了他一把(我可沒有這麼大的力氣)! 走到下面地盤入口時, 地盤的工人不斷鬧我們, 說前面根本沒有路, 但見前面的隊伍都過了去, 山上又有人, 好明顯是偏人的. 懷疑了一陣, 還是捐閘過... 上山過鐵絲網... 回望見到有一群人在北面的山腰過, 心想是不是他們走了原本我們想走的路呢? 終於到 CP6.
CP6 -> CP7 (濾水廠傍的火車橋)
一看GR, 再看地圖, 根本不用想, 最快最直接都是行馬路, 好悶, 點解又係馬路??? 無驚無險的行到了 CP7.
CP7 -> CS (展能運動場)
終於下個 CP 是營地了, 好感動, 因為我己缺水了好一段時間, 再不到營地, 我不知剩下的幾口水還能支持多久. 這個 CP 遇上了一位友人, 他幫我們拍下不少 video, 一路跟我們走出水管陣! 因為將到營地, 心情特別輕鬆, 在途中見到不少騎馬的人, 問了一位在白馬背上的外籍美女, 原來當天有騎術比賽呢! 慢慢走回營地, 1508... 快過上年, 叫做有交代啦!
賽事之中 - 營地宿一宵~
起營抹身後, 快手快腳去做物理治療. 由於前面有位衣著暴露的男生, 令我的目光不敢正視前方. 跟坐我旁邊的小姐聊天, 得知她拗了柴, 再談一回, 原來她目擊了 GoSing 及 Ray "蔡球上身" (被狗追) 的一幕, 聽她繪影繪聲的描述, 真恨不得我也在現場! 等了很久, 一路往外望, 見到很多朋友陸續到來, 由一點都不冷到不斷發抖, 等了超過半個鐘, 終於輪到我! 跟物理治療靚姐姐談了很久, 她告知了我為什麼會膝痛, 又幫我測試了那一節腰背痛及有沒有坐骨神經痛, 獲益良多. 開爐大休好豐富好滿足, 原來米線可以發到很大, 原來菜乾的份量也不少, 還有神秘食物 - 脫水紅豆沙, 想起都想再吃! 八時多些, 瘦鬼專登探監(營), 奈何工作人員不許他內進, 擾攘了一回, 還是失敗, 結果我們惟有在工作人員看管下拍照. 此時, 小超及小蜜蜂也來到了. 九時多回營執拾行裝, 因為怕冷的關係, 更以報紙在紗網包了一層. 此時, 我才道出上午心情低落的原因. 一邊拉筋, 一邊對著地圖想想明天會走什麼路... 直到十一時... 晚上睡覺時不覺得冷, 我只穿1件Dry-fit短袖加1個暖包再加睡袋(兩層薄布果隻)及紙皮當地席, 但隊友竟然穿上5件長袖加5個暖包再加睡袋地席, 思前想後, 都不得其解...
賽事之中 - 第二天到來~
晨早起床, 清新開朗... 其實好夢正甜, 根本就不想起床, 四時許已聽到旁邊的營內蠢蠢欲動, 睡多一回再看看錶, 原來已經四時半. 想早些起床, 但被隊友勸止, 真不明那十五分鐘有多重要. 04:45 起來, 匆匆的執拾營及行裝, 個胃頂住唔舒服, 早餐根本吃得不多. 想再去多次洗手間, 可惜實在太長龍了, 等了十分鐘, 過了 06:45. 因為還未登記, 放棄了上洗手間. 匆匆的登記過後, 跟逍遙遊侶一起擠在前排等起步...
CS -> CP1 (鐵坑小山丘)
看過 GR 後, 隊友跟我說年多前曾經跟明仔走過這一帶的村落, 所以我完全相信他所指的路線. 走出展能運動村, 又是作狀跑幾步後又改為行, 因為深深明白我隊的強項並不是跑! 上山的路在村中, 又是找了一回找不到, 但見有參賽者從某個路口走出, 我們便跟上去逆流而上, 穿過閘門到 CP1.
CP1 -> CP2 (坑頭的橋)
原路下山時已經很多人由我們上山的路去 CP, 一直在河右邊的村中走, 走呀走, 不知怎樣, 卻走到河床中, 但 CP 在河的對岸, 很擔心若不及早找路過去, 會被困於河床中或要涉水過河... 其實一直都想擺脫 protrek 隊混合組, 他們實實在在很煩擾, 但始終都不能, 他們總是在我們左左右右經過... 想這想那... 不久便到了 CP2.
CP2 -> CP3 (蕉徑老圍的橋)
咩話, 又是橋??? 一點新意也沒有!!! 沿著河床一直走不就會到? 其實當時我都不知自己是在河床中走路的呢, 只知有路就走... 太陽開始高掛, 心想今天起碼應上多一至兩座山, 怎麼辦? 忽然隊友話上岸穿過蕉徑老圍會快些, 都好... 繼續行河床我會悶死.
CP3 -> CP4 (雞公嶺上550m的小路交界)
這一個 CP 是全個賽事的轉捩點, 當時情景仍歷歷在目, 今世難忘! 到 CP 把 GR 抄下, 再對一次有沒有抄錯了別組的, 004873... 跟著在地圖上標, 上北大刀刃 (044873), 大家都覺得很理所當然. 計劃行程, 離開 CP 之時, 碰上了 Protrek Mix, 還生怕他們會追上來. 沿粉錦公路走, 沿上次跟健行走的山路行上去北大刀刃. 路上曾幾度懷疑 CP 的位置, 因為一路沒有人上山, 但都是隨便看看便算了. 上到二百米多, 有一組邀請組跑下山, 之後曾反問自己是否抄錯邀請組的 CP, 看過抄下來的 GR, 又覺得應該沒有錯. 又上多一百米, 越想越不對勁, 再拿地圖出來一對...
望著地圖, 哭笑不得, 眼前一白, 真不敢相信這是事實... 猛然回頭, 跟隊友說: "set 錯 map 呀, 唔係呢邊呀, 係另一邊雞公嶺呀!" 大家再重新確定一次座標位置, 004873 是雞公嶺上的小路交界, 而我們竟標錯了 044873, 北大刀刃上的小路交界. 知道走錯時, 己經上了超過三百米, 花去大半小時. 其實當時都有想過: 橫豎都與獎無緣, 用不著再走得這樣辛苦? 真的好想好想放棄...
不過, 我又死不服氣... 搞錯! 可能其他人都迷路, 又或者他們跌地圖呀, Checkpoint卡呀 (真是黑心) 之後為了收服失地, 沒有理會隊友的感受便衝了下山... 很想安慰隊友多兩句, 但也知道講多沒用, 我們便默默的上雞公嶺. 上雞公嶺時沒有多想其他的, 雖然辛苦, 但沒半句怨言, 一心只想追回失去的時間. 第一個被過的是掃尾的(?)無線電工作人員, 之後繼續逢人過人. 臨上完樓梯, 隊友跟我說很想見到 ffmm, 說時遲那時快, 一講曹操, 曹操就在眼前, 嚇得我差點跟隊友撞個正著. 之後還有一隊男子組在我前面, 我為自己定下目標, 一定要在上完山前追過他們, 就這樣在最後的兩步過了.
CP4 -> CP5 (大羅天與雞公嶺山坳)
在 CP 很趕急, 但吸取之前教訓, 今次大家都再三檢查 GR 及其位置. 下山的路不好走, 又危險, 但時間無多, 心想一定要以全速衝下山. 預備衝下去之時, 被隊友叫停去帶手襪. 幸好帶上手襪, 令我可以加上雙手扶助. 又再預備衝下去之時, 竟然有另一隊要求幫他拍照, 看了看, 又不是型男索女, 而且我們實在趕時間, 我跟隊友說叫他拒絕他們. 真的從未試過如此不要命的衝下山, 有好些路段根本就在滑沙而非走路, 一路下降一路講: "好趕時間呀... pass... 借借唔該..." 只用了十八分鐘便到達下一個 CP.
CP5 -> CP6 (麒麟村馬路)
之前上山下山用了不少力氣, 不想再上大羅天, 看到有山腰路過, 雖然不太確定, 但還是選擇了. 隊友問我: "如果找不到往西北的路口結果會怎樣?", 我回答曰: "會一直走出地圖..." 所以大家一路都很留神右邊的路口. 可能因為我們已不是頭隊, 所以碰上體驗組的人相反方向走來, 一路問他們前面有沒有路都說有. 走了一回, 見有人爬上去左邊的水渠. 看看方向正確, 跟著走上去. 下山時經過植林區, 拔掉了不少樹苗, 每拔掉一棵, 便唉呀一聲, 真是千千萬萬個對不起!
CP6 -> Fin (展能運動場)
好幾隊混合組一起到 CP, 得知下一站為終點, 噢! 真是 Thanks God! 工作人員重複了好幾次混合組的終點於籃球場, 完全不明白其用意. 出到大路粉嶺公路, 隊友開始大腿抽筋, 大家改為慢慢走, 竟然給我們發現了一條隧道, 沿馬路入白石坳去展能. 記得銀銀昨晚曾經說過有後門, 但完全不知在何處, 反正時間相差無幾, 去後面看看也無妨... !? 不就是足球場嗎? 入到去, 我還傻下傻下的打算找籃球場, 又打算開閘於另一邊衝線, 結果兩者均告失敗. 第二天時間為 04:08, 總時間為 10:16...
說在後面 - 期望與失望?
賽事進行之際, 只知要盡力, 根本沒時候多想其他的事. 比賽過後, 在展能運動場時, 靜下來細想, 不禁悲喜交集, 心情一度跌至谷底, 幾回都很想發洩, 奈何於人面前, 不想掃人興致, 故每每壓抑著沈痛的心情. 過了數天, 才真真正正的哭了一場.
要檢討的是:
1. 下次重檢時真是不可再大意, 千萬別看隊友 mark 的 GR.
2. 遇上問題一定要及早求證, 不要到不可收拾的地步才醒覺.
3. 自己不可以再明不白的發脾氣.
說到名次, 第一天得第二名, 第二天得第八名, 總名次為第六名. 以第二天的表現來說, 絕對對得起自己!
由比賽當天到現在都接近十天了, 再想起比賽時的情境, 真令我回味無窮. 總的來說, 是快樂的事多... 我永永遠遠都不會忘記和隊友並肩作戰的兩日一夜!
想再說... 多謝z... 沒有他, 我不可能有一個如此精彩刺激的比賽經歷. 真的真的真的很多謝你. :)
- 於三月十六日完成
|